دەرمانە نوێیەکەی بۆ کۆرۆنا بەکاردەهێنرێت رێژەی مردن کەمدەکاتەوە

ڕێژنه‌ میدیا
 
 
بەریتانیا دەرمانێکی نوێ بەناوی Dexamethasone بۆ چارەسەرکردنی تووشبووانی کۆرۆنا بەکاردەهێنێت، رێکخراوی تەندروستیی جیهانیش دڵخۆشە بەوەی کە ئەنجامە سەرەتاییەکان پێشانیانداوە “ئەو دەرمانە سوودی بۆ کەمکردنەوەی مردن لەنێو تووشبووانی کۆرۆنا هەیە”.
 
 
 
 
تێدرۆست ئەدهانۆم، سەرۆکی رێکخراوی تەندروستیی جیهانی لە کۆنفرانسی رۆژنامەڤانیی رۆژانەی پێشوازی لە تاقیکردنەوەکانی زانکۆی ئۆکسفۆرد کرد کە دەریانخستووە ئەو دەرمانە مردن بە رێژەی یەک لەسەر سێ بۆ ئەوانە کەمدەکاتەوە کە پێویستیان بە ئامێری هەناسەدانی دەستکرد هەیە، بە رێژەی یەک لەسەر پێنجیش بۆ ئەوانەی کە پێویستیان تەنیا بە ئۆکسجین هەیە.
 
 
 
 
زانکۆی ئۆکسفۆرد توێژینەوەیەکی فراوانی ئەنجامداوە، بۆی دەرکەوتووە کە Dexamethasone کە بۆ چارەسەری رۆماتیزمی جومگە، هەناسەتەنگی و چەندین نەخۆشی دیکەی پێست بەکاردەهێنرێت، یەک لەسەر هەشتی ئەو کەسانە لە مردن رزگاردەکات کە لەژێر ئامێری هەناسەدانی دەستکرددان، هاوکات یەک لەسەر سێی ئەو تووشبووانەی ژێر هەناسەدانی دەستکرد رزگاردەکات کە دۆخی تەندروستییان لەوپەڕی خراپیدایە.
 
 
 
 
توێژەرانی بەریتانی دەڵێن، ئەگەر لە سەرەتای بڵاوبوونەوەی ڤایرۆسی کۆرۆنا ئەو دەرمانە بەکاربهێندرایە، ئەوا ژیانی پێنج هەزار کەس لە بەریتانیا لە مردن رزگاردەکرا کە ئێستا لەو وڵاتە بەپێی ئامارەکانی وۆڵد مێتەر 42 هەزار و 153 کەس گیانیان لەدەستداوە. 
 
 
 
 
پیتەر هۆربی، پرۆفیسۆر و سەرپەرشتیاری تووێژینەوەکە لە زانکۆی ئۆکسفۆرد دەڵێت، “ئەم دەرمانە هەرزان و بەردەستە، کاتێک بۆ تووشبووانی کۆرۆنامان بەکارهێناوە ئەنجامی زۆر باشی هەبووە، دەرمانەکە توانیویەتی ژیانی یەک لەسەر هەشتی تووشبووانی کۆرۆنا کە لەژێر ئامێری هەناسەدانی دەستکردان رزگاربکات”.
 
 
 
 
دەرمانەکە نرخی هەرزانە، هەر تووشبوویەک کە بەکاری بهێنێت، پێنج پاوەندی بەریتانی لەسەری دەکەوێت. پرۆفیسۆر مارتن لاندرەی، سەرپەرشتیاری تووێژەران دەڵێت، “پێویستە پزیشکان بەبێ دواکەوتن ئەو دەرمانە بەکاربهێنن. بەڵام نابێت خەڵکی بچن بیکڕن و لەماڵەوە بەکاری بهێنن”. 
 
 
 
 
د. پیتەر باچ، پسپۆڕ لە سیاسەتی تەندروستیی نیویۆرکی ئەمریکا لەبارەی تووێژینەوەکەی ئۆکسفۆرد دەڵێت، ئەوە تەنها توێژینەوەیە، بەڵام ئەوەی لەم توێژینەوەیە روونە ئەوەیە کە مەترسی مردن کەمدەکاتەوە. “ئەگەر پزیشکان تووشبووی پەتای کۆڤید-19ـەیان لەبەردەستە کە تەندروستییان ناجێگیرە، دەبێت چارەسەرێک هەڵبژێرن، دەبێت ئەو دەرمانە بەکاربهێنن تاوەکو زیاتری لەسەر دەزانین”.
 
 
 
 
 
دەرمانەکە نرخی هەرزانە، هەر تووشبوویەک کە بەکاری بهێنێت، پێنج پاوەندی بەریتانی لەسەری دەکەوێت. پرۆفیسۆر مارتن لاندرەی، سەرپەرشتیاری تووێژەران دەڵێت، “پێویستە پزیشکان بەبێ دواکەوتن ئەو دەرمانە بەکاربهێنن. بەڵام نابێت خەڵکی بچن بیکڕن و لەماڵەوە بەکاری بهێنن”. 
 
 
سەرنجی خۆت بنووسە