چی روودەدات ئەگەر واز لە خواردنی شەکر بهێنیت ؟

ڕێژنە میدیا

وەرگێڕانی / ڕۆژین مەهدی

 

بەشێکی خەڵکی دەیانەوێت واز لە خواردنی شەکر بهێنن، هەرچەندە ئەمە بڕیارێکی دروستە، چونکە زیادەڕەوی لە خواردنی شەکر دەبێتەهۆی قەڵەوبوون و تووشبوون بە چەندین نەخۆشی درێژخایەن، بەڵام وازهێنان لە شەکر و دوورکەوتنەوە لەهەموو ئەو خۆراکانەی بەشێوەیەکی شاراوە شەکریان تێدایە ئاسان نییە، چونکە لەوانەیە کەسەکە تووشی چەند گرفتێک ببێتەوە.

بەپێی رێنماییەکانی پزیشکانی پسپۆڕی خۆراک، دەبێت شەکر کەمتر لە %10ی وزەی رۆژانەی جەستە پێکبهێنێت، بەڵام ئێستا ئەو بڕەی کە دەخورێت زیاترە لەوەی کە رێگەپێدراوە. دەستەی پزیشکانی پسپۆڕی دڵ لە ئەمریکاوە دەریخستووە رۆژانە خانمان نابێت زیاتر لە 24 گرام و پیاوان زیاتر لە 36 گرام شەکر بخۆن.

ئەو کەسانەی بڕیاردەدەن واز لە شەکر بهێنن، رەنگە سەرەتا تووشی هەندێک گرفت ببنەوە لەوانە سەرئێشە، بێهێزی، ئازاری ماسولکەکان، هێڵنج، دڵەراوکێ و هەستکردن بە خەمۆکبوون. ئەو نیشانانە هەموویان کاتین و پێویستیان بە چارەسەر نییە تەنیا راهاتنی جەستەیە لەبێ شەکریدا.

شەکر لەلایەن جەستەوە تێکدەشکێندرێت و لەلایەن خانەکانەوە بەکاردەهێنرێت وەک سەرچاوەیەکی وزە، بۆیە پێویستە لەکاتی وازهێنان لە شەکر کەسەکە هەوڵبدات خۆراکی تەندروست و دروست بخوات، بۆ ئەوەی وزە بە جەستە ببەخشن بۆ نموونە ئەو خۆراکانە بخۆ کە بە مەنگیسیۆم دەوڵەمەندن وەک سپێناخ، چەرەس، شیر و پاقلەمەنییەکان، هەروەها بۆ کۆنترۆڵکردنی ئارەزووی خواردنی شەکر هەوڵبدە ژەمی دەوڵەمەند بە پرۆتین بخۆیت، چونکە هەستی تێربوون دەبەخشن. بەپێی پێویست ئاو بخۆرەوە بۆ کۆنترۆڵکردنی سەرئێشەکەت و وەرزشبکە بۆ زیاتر دەردانی ئیندۆرفینەکان و رێکخستی ئاستی شەکر لە خوێندا.

سەرنجی خۆت بنووسە
x

Check Also

خواردنی گۆشتی قاز چی له‌ جه‌سته‌ت ده‌كات ؟

ڕێژنە میدیا گۆشتی قاز كه‌ به‌زۆری له‌ رۆژه‌ سارده‌كاندا ده‌خورێت له‌ گۆشتی ئاژه‌ڵ و په‌له‌وه‌ره‌كانی ...