لە ڕێگای ڕێژنە میدیاوە فەرمانبەرانی گرێبەست داوایەک ئاراستەی پەرلەمانی کوردستان دەکەن

ڕێژنە میدیا / سلێمانی

وابڕیارە ڕۆژی چوارشەمە ڕیکەوتی ١٣/١١/٢٠١٩ کاتژمێر ١٠ سەرلەبەیانی لەبەردەم نوسینگەی پەرلەمانی کوردستان لە سلێمانی یاداشتێک پێشکەش بە پەرلەمانتارانی کوردستان بکرێت بەمەبەستی بەهەمیشەیی کردنی فەرمانبەرانی گرێبەست لەسەرجەم وەزارەتەکان کە ژمارەیان ( ٢٤٠٠٠ ) هەزار فەرمانبەرە .

ئەم داواکاریە لەکاتیکدایە کە چوارشەمەی ڕابردوو ڕێکەوتی 6ی تشرینی دووه‌می 2019 حكومه‌تی هه‌رێمی كوردستان بڕیاری به‌ هه‌میشه‌یی كردنی مامۆستایانی گرێبه‌ستی په‌سه‌ند كرد كه‌ چه‌ندین ساڵه‌ چاوه‌ڕوانی ئه‌وه‌یان دەکرد بكرێن بە هه‌میشه‌یی.

نوێنەرانی فەرمانبەرانی گرێبەست لە شاری سلێمانی تایبەت بە ( ڕێژنە میدیا ) وتیان , وێڕایی دەست خۆشی بۆ حکومەتی هەرێمی کوردستان بۆ پەسەند کردنی ئەم بڕیارە , بەڵام داواکارین لە حکومەتی هەرێمی کوردستان و ئەنجومەنی وەزیران کە بەیەک چاو سەیری گشت فەرمانبەرانی گرێبەست بکرێت و ئەو فەرمانبەرانەی کە ماون لە سەرجەم وەزارەتەکان سەرجەمیان بکرێن بە هەمیشەیی , چونکە فەرمانبەر هەیە ٤ ساڵ تا ١٥ ساڵە گرێبەستە و چاوەڕوانی حکومەتی هەرێمی کوردستانە بە بڕیارێک هاوشێوەی مامۆستایانی گرێبەست بکڕین بە هەمیشەیی .

سەرنجی خۆت بنووسە
x

Check Also

بەرهەمی رۆژانەی نەوتی كوردستان نزیك دەبێتەوە لە 500 هەزار بەرمیل نەوت

  ڕێژنە میدیا بەپێی ناوەندی رووپێوی ئابووری رۆژهەڵاتی ناوەڕاست (Mees)، لەمساڵدا ئاستی بەرهەمهێنانی نەوت لە ...