پۆلیسی سلێمانی کەسێکی بە تۆمەتی ساختەکاری دەستگیرکرد

بەتۆمەتی ساختەكردنی تابلۆی ئۆتۆمبێل كەسێك دەستگیركرا

بەڕێوبەرایەتی پۆلیسی پارێزگای سلێمانی ڕای گەیاند بە تۆمەتی ساختەکردنی تابلۆی ئۆتۆمبێل کەسێکیان دەستگیر کردوە کە بە ڕەگەز کوردە و لە بەرامبەر بڕێک پارەدا ئەم کارەی ئەنجام داوە

دەقی ڕاگەیاندراوەکەی پۆلیسی سلێمانی :-

مەفرەزەكانی بنكەی پۆلیسی بەختیاری تۆمەتبارێكیان دەستگیركرد بەتۆمەتی ساختەكردنی تابلۆی ئۆتۆمبێل.

دوای ئەوەی پۆلیسی سلێمانی زانیاری پێگەیشت لەبارەی كەسێكەوە كە هەڵدەستێت بەساختەكردنی تابلۆی ئۆتۆمبێل، بنكەی پۆلیسی بەختیاری لێكۆڵینەوەكانی دەستپێكردوو دوای چاودێریكردنێكی ورد توانرا تۆمەتبار (ڕ ، ح ، ن ) بەڕەگەز كورد دەستگیربكرێت و دەستیشبگیرێت بەسەر ئۆتۆمبێلێكی جۆری مارسیدسدا كە هیچ سەرەتایەكی نییەو تۆمەتبار ویستویەتی لەبەرامبەر بڕێك پارەدا تابلۆکەی ساختە بكات.

لەئێستادا تۆمەتبار بەفەرمانی بەڕێز دادوەرو بەپێی ماددەی 453 لەیاسای سزادانی عیراقی ڕاگیراوەو لێكۆڵینەوەكان لەگەڵیدا بەردەوامە، ھەروەھا لەبەردەم ئەفسەری لێكۆڵینەوەدا دانی بەتاوانەكەیەدا ناوە.

بەڕێوەبەرایەتی پۆلیسی پارێزگای سلێمانی – ڕاگەیاندن و پەیوەندییەكان

سەرنجی خۆت بنووسە
x

Check Also

وەزیری دارایی: دەبێت هاوڵاتی و موچەخۆران هۆشیاربن، نابێت بڕوا بە درۆ و چەواشەكاری بكەن

  ئاوات جەناب نوری وەزیری دارایی و ئابوری، سەبارەت بەو هەواڵەی ئەمرۆ بڵاوكرایەوە كە گوایە ...