کەس دژی سەربەخۆی کوردستان نەبو خۆیان نەبێت

ڕێژنە میدیا

ئەیاد محەمەد

کێ حەزی بەدروستکردنی دوڵەت و یاسا و خۆشگوزرەرانی نیە و لەژێر ئاڵا کەیدا بەئازادانە بژی و خاوەن کارو ڕێز و پیشەی خۆیبێت، بێگومان هەر تاکێک عاقڵانە بیر بکاتەوە دەوڵەت و سەربەخۆی ئەوێت، بەڵام، ڕەشبینی تاکی کورد لەپێشوی ئەوکەسانە حوکمڕانی ئەم وڵاتەیان کردوە سەرچاوەی گرتبو، هەرتاکێک لێرە بیر لەشەڕی ناوخۆ و دزینی داهات و بردنی سەر ئەرز و ژێر ئەرزی سامانی ئەم وڵاتە دەکاتە وە دەوڵەتێکی لەبەرچاو دروست دەبێت،

خۆی لەسەر شەقام دەبینێتەوە بەو مانایە توشی برسێتی و خەمۆکی و نائومێدی دەبێت، بیر لەوەدەکاتەوە ئێستا لەسەر خۆپیشاندان و ڕەخنەو نوسین لەم هەرێمەدا خەڵک دەڕفێنرێت، فەلاقەخانەی بۆدادەنرێت و دەکوژرێت، بیرلەوەدەکاتەوە لەسەر شکانی پەنجەرەیەک و هاوارکردنێک بەدەنگی بەرز لەسەر شەقام سورەکرێت لەخوێن، ئەبێت سبەی لەدەوڵەتێکدا چۆن مامەڵەیان لەگەڵبکرێت، بێگومان کەسانێک هەن ڕایان وایە ئامانە نابنەپێوەرێک بۆئەنجام نەدانی ڕیفراندۆم بەڵام، ئێمەکەهەموشتێکمان هەبو خاوەن فڕۆکەخانەو مەرز و بۆری نەوت و داهاتی ناوخۆ بوین، ئێمە کە لەدەرەوەو وەک دەوڵەتێک دەرەکەوتین و خاوەنی قورسای خۆمانبوین، زەویە داگیرکراوەکانمان لەشەڕی داعش بەڕۆح بەخشین و بریندار و بێ سەروشوێن بونی هەزاران پێشمەرگەی هەژار و نیشتمان پەروەر بەدەست هێنا،

بۆچی وامانکرد بەدەستی خۆمان ئاولەگۆزەی شکاو بکەین و چاوەڕونی پڕبونی بین! خۆ دونیا لەسەر ئەنجام نەدانی ڕیفراندۆم کۆکبون بەنیوەی کوردیشەوە داوای دواخستنیاندەکرد هاواریانەکرد ئەم قۆناغە قۆناغی ڕیفراندۆم نیە زیانی زیاترە لەسود چ پاڵنەرێک بو وای لە(بەرزانی) کرد پەنجە ڕاوەشێنێت و حساب بۆ ڕەئی یەک کەس نەکات، لەوحەقیقەتە مناڵانە تێنەگەیشتین بۆچی پارتی ویستی تاپۆی سەربەخۆی بەناوی خۆیانەوە بکەن، تاکار گەشت بەتەسلیم کردنی نیوەی خاک و بەشەهیددانی دەیان کوڕە هەژار،

دواتریش بەکزوڵیەوە داوای گفتوگۆیانکرد لەسەرکردەکانی عێراق! لەگەڵ هەمو ئەمانەشدا بەهەر وەسیلەیەک بێت ڕیفراندۆم دەنگی پێویستی هێنا حیکمەت لەبێدەنگ بونی ئێوە چیە؟ بۆئێستا تەنها یادکردنەوەتان بۆماوەتەوەبەوهەمو دۆڕاندنەتانەوە، گەر بڕیار وابێت ئەنجامدانی ڕیفراندۆم بۆئامانجەکەی خۆی نەبوبێت، بۆ شکۆی پیشمەرگە و تاک و خاکتان شکاند

بەئەنجامدانی ڕیفراندۆم ئەو حەقیقەتەی لا ڕونکردینەوە کە هەر لەپەنجە ڕاوەشاندنەکەی( مسعود بەرزانی) و بەڵێکەی (عمری سەید علی) بەتەواوی ئەوکەسانەی ئێستا لەساحەکەدان بەسەرکردە تەماشا دەکرێن، هیچ پێشبینی و دوربینیان نیە بۆ داهاتوی ئەم وڵاتە بەکەڵکی سەرکردایەتیکردن نایەن، چونکە جگە لەبەرژەوەندی خۆیان و حیزبەکانیان شتێکی باشیان تائێستا نەکردوە کەلەبەرژەوەندی خاک و خەڵک. 

سەرنجی خۆت بنووسە
x

Check Also

یاسانانس دەریا محەمەد : چەند زانیاریەکی گرنگ لەسەر چۆنیەتی سزایی لە سێدارەدان و جێبەجی کردنی

ڕێژنە میدیا دەریا محەمەد سزای له‌ سێداره‌دان به‌ واتای لێسه‌نه‌وه‌ی مافی ژیان و ده‌رهێنانی رۆحی ...