ئاوات عەبدوڵا : واز لەمەرگی بڕیار بێنن

تەنانەت جەهەنەمیش بۆ كەسانێك كەلەم دنیایە خراپ ژیاون ئاسایی ترە بۆكەسێكی (خۆش ژیاو) ڕۆژانە بەبەرچاومانەوە خەڵك دەكوژرێت‌و دەبڕدرێت، هەر خودی خۆمان سوكایەتی دنیامان پێدەكرێت، ئیتر كە ئەو هەموو سوكایەتی‌و كوشت‌و بڕیەمان قبوڵكرد، دەبێت ئاساییش بێت نەك بڕیار هەزارانی دیكەی وەك ئەو بەبەرچاومانەوە بمرن‌و لەناوبچن، چونكە ئێمە ڕاهاتوین، هەموو شتێكیش لەم دنیایەدا ڕاهاتنە، بڕۆن كتێب‌و تێكستە كۆمەڵناسی‌و دەروناسیە زۆر وردو قوڵەكان بخوێننەوە بزانن وایە یان نا؟!

بڕیار بەنائومێدی‌و بەجەرگبڕی مرد، ئەنجا چیە بەیانی‌و دوو بەیانی‌و سێ بەیانی شتی واو لەوە خراپرتریش دوبارە دەبێتەوە، چی دەبێت؟ نەخێر دەپرسم چی دەبێت؟ ڕوماڵی ڕاگەیاندنەكان‌و فرمێسكی نێوفەیسبوك‌و سۆشیال میدیا، لەمانە زیاتر چی دەبێت؟ جا ئەوانە چی لەدۆخەكە دەگۆڕێت، فرمێسك ڕشتن چیە، نەك ئەوە بەڵكو لای من گریان ئەسڵەن هەر بێ دەسەڵاتیە! ئەگەر بێ دەسەڵاتی نیە وەرن مەهێڵن ئەمە تێپەڕێت، وەرن ڕێ لەدوبارە بونەوەی بگرن، كەسێك مرد تازە ڕۆیشت، بەهەر شێوەیەك مرد ئیتر كۆتایی هات، ئەی ئێستا بەهەزاران منداڵی دیكە نیە لەكوردستان لەژێر هەڕەشەی مردندان، جارێ هەر كێ دەڵێت مردن ناخۆشە، نەخێر بەلای منەوە مردن هەزارانجار لەژیانی (نەژیاننەمردن) خۆشتر‌و گونجاوتریشە.!

بەسیەتی فرمێسك ڕشتن بۆ بڕیار‌و بۆ كێ‌و بۆ كێ، بیر لەشتێكی دیكە بكەنەوە، مەسەلەن وەك ئەوەی چیتر ئەم چیانە قبوڵ نەكەین چۆن قبوڵی نەكەین ئیتر ئەوەیان وەڵامەكەی لای من نیە، بەڵكو لەبری عاتیفەو فرمێسك كەمێك عەقڵ بخەینەكار‌و بائیتر لەدوای بڕیارەوە بڕیار بدەین چی بكەین؟!

سەرنجی خۆت بنووسە
x

Check Also

کەس دژی سەربەخۆی کوردستان نەبو خۆیان نەبێت

ڕێژنە میدیا ئەیاد محەمەد کێ حەزی بەدروستکردنی دوڵەت و یاسا و خۆشگوزرەرانی نیە و لەژێر ...