‌ڤیدیۆ: ساتی ده‌ستگیركردنی پیاوێك كه‌ وێنه‌ی‌ ` ژنان و کچان ` ده‌گرێت له‌ژێر ته‌نوره‌كانیانه‌وه‌

پۆلیس له‌ شاری مه‌درید له‌ ئیسپانیا پیاوێكی ده‌ستگیركرد كه‌ ڤیدیۆیی خانمانی تۆمار كردوه‌ له‌ ژێر ته‌نوره‌كانیانه‌وه‌ له‌ وێستگه‌ی‌ شه‌مه‌نده‌فه‌ر و میترۆ و دواتر ئه‌م ڤیدیۆیانه‌ی‌ له‌ پێگه‌ سێكسیه‌كان بڵاوكردۆته‌وه‌.

ئه‌م پیاوه‌ به‌ ڕه‌گه‌ز خه‌ڵكی كۆڵۆمبیایه‌ و ته‌مه‌نی 53 ساڵه‌ و كامێرای شاراوه‌ی‌ له‌سه‌ر ئه‌و جانتایه‌ دانه‌وه‌ كه‌ به‌ده‌ستیه‌وه‌یه‌تی و دواتر خستویه‌تیه‌ سه‌ر زه‌وی نزیك له‌ قاچی قوربانیه‌كان و له‌ناویاندا هه‌رزه‌كار هه‌بووه‌ و له‌ ژێر ته‌نوره‌كانیانه‌وه‌ ڤیدیۆیی تۆماركردوون.

له‌كاتی پشكنینی ماڵی ئه‌م تاوانباره‌ پۆلیس كۆمپیوته‌رێك و سێ هارد دیسك ی دۆزیوه‌ته‌وه‌ كه‌ له‌ناویاندا سه‌دان ڤیدیۆیی ئه‌و ئافره‌تانه‌ی‌ تیادا بووه‌ كه‌ بێ ئاگاداری خۆیان ڤیدیۆیی تۆماركردوون و زۆرینه‌ی‌ ئه‌و ڤیدیۆیانه‌ش كه‌ بڵاویكردۆته‌وه‌ زیاتر له‌ یه‌ك ملیۆن بینه‌ری هه‌بووه‌.

له‌كاتی وێنه‌گرتنی قاچی ئافره‌تێك له‌ وێستگه‌یه‌كی شه‌مه‌نده‌فه‌ر له‌ مه‌درید ئه‌م پیاوه‌ ده‌ستگیر كراوه‌ و تا ئێستا 29 سكاڵای یاسایی له‌سه‌ر تۆمار كراوه‌ و به‌ تۆمه‌تی پێشێلكردنی ماف و تایبه‌تمه‌ندی ئه‌وانی دیكه‌ و بڵاوكردنه‌وه‌ی‌ به‌د ڕه‌وشتی و خراپ ڕه‌فتاركردن له‌گه‌ڵ منداڵ و هه‌رزه‌كاره‌كان سزا ده‌درێت.

سەرنجی خۆت بنووسە
x

Check Also

هونەرمەند باهۆز مام هەژار یەکەم ڤیدیۆ کلیپی بڵاوکردەوە

ڕێژنە میدیا  _ هەڵمەت سەمەد هونەرمەندی موزیک ژەنی شاری کۆیە باهۆز مام هەژار یەکەم فیدیۆ ...