په‌يامى سه‌رۆكى هه‌رێمى كوردستان به‌بۆنه‌ى جه‌ژنى قوربانه‌وه‌

به‌بۆنه‌ى هاتنى جه‌ژنى پيرۆزى قوربانه‌وه‌، ‌پيرۆزباييه‌كى گه‌رم له‌ خانه‌واده‌ى سه‌ربه‌رزى شه‌هيدان و ئه‌نفالكراوان و پێشمه‌رگه قاره‌مانه‌كان‌، له‌ حاجييان و زياره‌تكارانى ماڵى خوا و ته‌واوى موسڵمانان له‌ هه‌رێمى كوردستان و عێراق و جيهان ده‌كه‌م، هيوادارم جه‌ژن بۆ ھەموو لایەک مایەی خێر و خۆشی بێت.

گه‌لى كوردستان له‌ هه‌موو پێكهاته‌ ئاينى و نه‌ته‌وييه‌كان، هه‌ميشه‌ جه‌ژن و ياده‌كانيان كردووه‌ته بۆنه‌يه‌ك بۆ دووپاتكردنه‌وه‌ى پێكه‌وه‌ژيان، لێبورده‌يى، ته‌بايى و نيشاندانى تابلۆى جوانى ئه‌و كولتوور و به‌ها به‌رزانه‌ى كوردستان. هيوادارم ئه‌م جه‌ژنه‌ و جه‌ژن و بۆنه‌كانى داهاتووش ببنه‌ مايه‌ى قووڵكردنه‌وه و پاراستنى ئه‌و كولتووره‌ و به‌ها مرۆييه‌كان و هانده‌رێك بۆ پته‌وكردنى زياترى يه‌كڕيزى و پێكه‌وه‌كاركردن له‌پێناو داهاتوويه‌كى باشتردا بۆ هه‌مووان.

داواکارم ھەمووان ھاوکار بن لە پێڕەوکردنی ڕێنماییەکانی ھاتوچۆ و پاراستنی ژیان و سەلامەتیی ھاووڵاتیيان و گەشتیارانی میوان و ژینگە و سروشتی کوردستان. ھیوای جەژنێکی خۆش و پشوویەکی ئارام بۆ ھەمووان دەخوازم.

دووبارە جەژنی قوربان لە ھەمووان پیرۆز بێت و ھەموو ساڵێک بە خۆشی.

نێچيرڤان بارزانى

سه‌رۆكى هه‌رێمى كوردستان

10/8/2019

سەرنجی خۆت بنووسە
x

Check Also

‌کوڕێک له‌سه‌ر دزینی گوڵ بۆ خۆشه‌ویسته‌كه‌ی‌ 7 ساڵ زیندانی كرا ….

ڕێژنە میدیا پۆلیسی شاری كیمیرۆفۆ له‌ باشوری ڕۆژئاوای سیبیریا له‌ ڕوسیا گه‌نجێكی ته‌مه‌ن 19 ساڵی ...