كوشتارگەی سلێمانی : ئاماری پێنج رۆژی رابردوی ڕاگەیاند

بەرپرسی ستافى پزیشکى کوشتارگەى سلێمانى ئاماری پێنج رۆژی رابردوی كوشتارگەكەی راگەیاندو دەشڵێت، بەراورد بە جەژنی قوربانی رابردو 40 تەن زیاتر گۆشت ڕەوانەی بازاڕەكانی سلێمانی كراوە.

9 هەزارو 564 سەر ئاژەڵى بچوک و 562 سەر ئاژەڵى گەورە سەربڕدراون
شاڵاو عارف، بەرپرسی ستافى پزیشکى کوشتارگەى سلێمانى، ڕایگەیاند،”لەماوەى پێنج ڕۆژى ڕابردودا بە بۆنەى جەژنى قوربانەوە، 9 هەزارو 564 سەر ئاژەڵى بچوک و 562 سەر ئاژەڵى گەورە، لە کوشتارگەى سلێمانى سەربڕدراون”.

حەوت تەن و 150 کیلۆ گۆشت رەتكراوەتەوە و سوتێنراوە
وتیشى”لەو ماوەیەدا، بڕی 793 تەن و 800 کیلۆ، گۆشتی شیاو لەڕوی تەندروستی و بەهای خۆراکی ڕەوانەی بازاڕەکانی سلێمانی کراوە، بڕی حەوت تەن و 150 کیلۆ گۆشتیش بەهۆی نەشیاوی لەڕوی تەندروستی و بەهای خۆراکی ڕەتکراوەتەوە و سوتێنراوە”.

بەرپرسی ستافى پزیشکى کوشتارگەى سلێمانى، راشیگەیاند،”بە بەراورد بەجەژنی قوربانی ڕابردو 40 تەن زیاتر گۆشت ڕەوانەی بازاڕەکان کراوە، تەنها لەم مانگەدا بەمەبەستی کوشتارکردن نزیکەی پێنج هەزار ئاژەڵ هاوردەی سلێمانی کراوە”.

دەربارەى قوربانیکردن لە ماڵەکاندا، شاڵاو عارف داوای لە هاوڵاتیان كرد دور بکەونەوە لە قوربانیکردن لە ماڵەکانیان و سەر چیاى گۆیژە، چونكە دەبێتەهۆی پیسکردنى ژینگە و گواستنەوەى نەخۆشى.

سەرنجی خۆت بنووسە
x

Check Also

ئەو منداڵەی بە چەکی قەدەخەکراو لە رۆژئاوا برینداربووە لە هەولێر چارەسەردەکرێت

ڕێژنە میدیا  یەکێک لەو بریندارانەی لە نەخۆشخانەی رەحمە لە قامشلۆی رۆژئاوای کوردستانە و گوماندەکرێت بە ...