دۆناڵ ترەمپ هۆشداری دایە فەیسبوك

پاش ئەوەی مانگی رابردو كۆمپانیای فەیسبوك رایگەیاند، پارەیەكی دیجیتالە تایبەت بە خۆیان دروستدەكەن، سەرۆكی ویلایەتە یەكگرتوەكانی ئەمریكا لەوبارەیەوە هۆشداریدایە كۆمپانیاكە.

پێویستە رێساكان پێشێلنەكات

دۆناڵد ترەمپ، سەرۆكی ویلایەتە یەكگرتوەكانی ئەمریكا، سەبارەت بە دروستكردنی پارەی دیجیتاڵی تایبەت بە فەیسبوك لە لایەن ئەو كۆمپانیایەوە، لە هەژماری تایبەتی خۆی لە تۆڕی كۆمەڵایەتی تویتەر هۆشداری دایە كۆمپانیاكە و رایگەیاند “پێیوستە بەپێی رێساكان مامەڵە بكات”.

دەبێت بەپێی رێسا بانكیەكان كارەكانیان ئەنجامبدەن

لەوبارەیەوە ترەمپ لە هەژماری خۆی لە تویتەر رایگەیاند “ئەگەر فەیسبوك یاخود هەر كۆمپانیایەكی دیكە دەیەوێت ببێت بە بانك، دەبێت بەپێی سەرجەم یاسا و رێسا بانكیەكان بەڕێوەبچن و كارەكانیان ئەنجامبدەن”.

سەرجەم پارە ئەلیكترۆنیەكان لای من پەسەند نیە

لە زنجیرەیەك تویتی یەك لەداوی یەكدا، ترەمپ سەبارەت بەو پارە دیجیتاڵیەی فەیسبوك كە ناوی (لیبرا)یە، بۆچونی خۆی خستوەتەڕو و نوسیویەتی “من پارەی بیتكۆین و سەرجەم پارە ئەلیكترۆنیەكان لای من پەسەند نین، چونكە نرخیان زو نامێنێت و بێبەنەمان”.

كۆشكی سپی لە رابردودا سەبارەت بە پارەی ئەلیكترۆنی بێدەنگی هەڵبژاردبو

سەرەڕای ئەوەی بڵابونەوەی بیرۆكەی پارەی ئەلیكترۆنی مشتومڕێكی زۆری بەداوی خۆیدا هێناوە لە جیهاندا، لەكاتێكدا تەنانەت رێكخەرانی فیدراڵیشی هێنایە دەنگ، بەڵام لەماوەی رابردودا كۆشكی سپی لەوبارەیەوە بێدەنگەی هەڵبژاردبو.

پێدەچێت وتەكانی ترەمپ كاریگەریەكی گەورە بۆ سەر ئەو بازرگانیە دروستبكات

بەپێی شارەزایان، پێشبینیدەكرێت وتەكانی ترەمپ لەسەر ئەو پارەیە، كاریگەریەكی گەورە دروستبكات لەسەر گەشەسەندنی پارەی ئەلیكترۆنی بە گشتی و بەكارهێنەران و بازرگانانی ئەو بوارە.

رێكەوتی 19ی حوزەیرانی ئەمساڵ، جێنیفەر کریجل، شارەزایەکی بواری تۆڕە کۆمەڵایەتیەکان رایگەیاند،کۆمپانیای فەیسبوک “هەوڵدەدات ببێتە وڵاتێکی سەربەخۆ”، پاش ئەوەی کۆمپانیاکە، پرۆژەیەکی نوێی ئابوری ئاشکرا کرد و رایگەیاند” دراوێکی ئەلکترۆنی تایبەت بەخۆیان دروست دەکەن، بەناوی لیبرا”.

سەرنجی خۆت بنووسە
x

Check Also

سبەینێ لە زیادکردنی ئاشکرادا ژمارە (1-9)ی تابلۆی ئۆتۆمبێلەکانی هەڵەبجە دەفرۆشرێت

ڕێژنە میدیا بەپێی راگەیەندراوێکی دیوانی پارێزگای هەڵەبجە کە وێنەیەکی دەست ( ڕێژنە میدیا ) کەوتوە ...